Do you need some time...all alone

Vou seguir insistindo con entradas dos Guns, e é que nunca me cansarei de escoitalos porque a gran maioría das súas cancións transmiten sensacións ás que a outros grupos xa lles gustaría polo menos asomarse, cancións que aínda que non entendas a letra, sabes o que ao final queren transmitir.

Desde as cancións máis rebeldes como Welcome to the Jungle ou Nightrain, ata as cancións con máis ritmo como poden ser Used To Love Her ou Rocket Queen, pasando polas grandiosas Sweet Chile O' Mine, Don't Cry, Estranged ou November Rain. Nesta última é na que precisamente me gustaría parar a mostrar unha "análise" que atopei, tanto da canción como do vídeo

A canción comeza e o son da tormenta dá paso a unha melodía melancólica formada polos pianos de Axel e Dizzy e os violíns da orquestra, esa melodía crece e crece imparable mentres os instrumentos vanse engadindo: a guitarra, o baixo, a frauta... De súpeto a voz desgarrada de Axl transforma a beleza desa melodía nun anuncio de que o fin achégase. Non fai falta entender a letra, a música cóntanos a historia, fálanos de alguén que loita por manter aquilo que máis lle importa, pero cando se engaden os coros dinnos que non hai solución, a intensidade da canción crece e crece, volvéndose máis emocionante e melancólica á vez... E de súpeto Slash toma a voz cantante por primeira vez, o son da súa guitarra obríganos a seguir escoitando aínda sabendo que non anuncia nada novo, logo outra vez Axl, Dizzy e os violíns, aínda máis dramáticos e volve aparecer Slash guiándonos cara ao final mentres cada golpe de baqueta de Matt Sorum sente como un puñal cravado no peito, o ritmo crece imparable ata que... un silencio parece darnos un descanso, pero nada máis lonxe da realidade. Entón o drama convértese en traxedia. Mentres os pianos volven desatar a tormenta, Axl, acompañado dos coros empéñanse en repetirnos unha e outra vez que todo o mundo necesita a alguén, pero para entón Slash, Matt e a orquestra desataron un furacán de enormes proporcións que non nos deixa esquecer que non temos a ninguén ao noso lado, que nos quedamos sos e que sos seguiremos por moito que todo o mundo necesite a alguén. Que o amor é algo que nos negou.

Comentarios como este se poden atopar en Internet, e a verdade, moi poucos (por non dicir ningún) que digan o contrario, porque os Guns N? Roses foron os verdadeiros reis do Hard Rock conseguindo marcar pegada na historia da música.

Axel, Slash, Matt, Duff, Izzy, facede un esforzo polos vosos fans e afastade as vosas diferenzas do profesional. Por un mundo sen Guns, pero con Roses.

Un Saúdo.

Para opinions dos Guns? aquí

Hoxe vou falar dun grupo de música un tanto peculiar, coñecido seguramente pola maioría por ser un dos grupos mais soados a finais dos 80 e principios dos 90, Guns N' Roses.

Falouse moito desta banda, sobre todo desde que se produciu a separación dos integrantes que levaron o nome de Guns N' Roses todo o máis alto, por suposto estou falando de Matt Sorum, Dizzy Reed, Izzy Stradlin, Duff McKagan, Saul Hudson "Slash" e como non Axl Rose.

Hai opinións de todo tipo, que se agora a banda non merece levar o nome dos Guns, que sen Slash Axl non é nada? en fin, cada un defende a súa teoría.

Estou de acordo en que os novos Guns N' Roses non chegarán ao nivel ao que chegaron os "vellos" (bueno, é unha suposición, esperemos aver como queda o esperado Chinese Democracy unha vez editado por completo) e que nin Axl nin Slash farán por separado o que outrora fixeron xuntos. Pero no que non estou de acordo é que a xente diga que Axl está acabado e que Slash era o que movía a banda.

Na miña opinión digo que a alma de Guns N' Roses sempre foi e será *Axl Rose, está claro que *Slash facía uns sos incribles co seu Les Paul, pero sinceramente, vin vídeos en Internet de xente como ti ou como eu versionando solos de Slash e a verdade que están bastante currados. A xente coñecía aos Guns N' Roses polos toques de guitarra de Slash ou de Izzy?, polos acordes de Duff?, pola batería de Matt?, non digo que isto non influíse, pero na miña opinión os Guns eran coñecidos máis que nada pola gran voz de Axl, que era capaz de pasar de estar cantando unha balada como November Rain a cantar os altibaixos de Dead Horse. Axl Rose, chegou a ser un verdadeiro rei.

Actualmente só quedan 2 membros (Axl e Dizzy) do que foi no seu tempo unha das máis grandes bandas de rock presentes no planeta terra, co seu novo persoal integrado por Axl Rose, Robin Finck, Tommy Stinson, Chris Pitman, Brian "Brain" Mantia, Richard Fortus, Ron "Bumblefoot" Thal, Frank Ferrer, Dizzy Reed están á espera de lanzar xa o seu novo disco Chinese Democracy, que din que posiblemente sexa o máis caro e o mais esperado da historia.

Os demais integrantes xuntáronse e formaron Velvet Revolver, pero ningún deles nega a posibilidade de volver xuntarse con Axl nun futuro que esperemos que non sexa moi afastado, para asì poder revivir a maxia que nos deixou esta banda fai uns cantos anos.

Un Saúdo.